تنزيل لعبة فرى فاير Free Fire + شرح طريقة اللعب
لعبة فرى فاير فكرتها تتشابه مع نفس فكرة اللعبة الشهيرة بوب جى وطبعا مع اختلاف فى العناصر والادوات واكبر فرق بين اللعبتين ان لعبة PUBG قوية فى الجرافيك ولذلك هى تحتاج لاجهزة امكانياتها عالية لكن لعبة Free Fire تعمل على اجهزة متوسطة الامكانيات .
فى البداية انت بتحمل اللعبة على الهاتف او التابلت الخاص بيك او على الكمبيوتر وتشغلها عن طريق محاكى اندرويد ولما تفتح اللعبة هتطلب منك انك تعمل تسجيل ودا ممكن تعملة باستخدام اكونت الفيس بوك او حساب ال VK وبعدين هتختار الشخصية بتاعتك ولد ولا بنت وتسمي الشخصية بتاعتك .
هتدخل اللعبة بعد كده وهيكون عندك 3 انواع من طرق اللعب وهما
النوع الاول : SOLO
دى طريقة اللعب فردي يعنى كل لاعب هينزل الجزيرة اللى هى ساحة القتال هيلعب لوحدة واى لاعب يقابلة فى المعركة يقدر يقتلة ويطلق الرصاص علية .
النوع الثانى : DUO
فى طريقة اللعب Duo هتلعب انت وشخص تانى مع بعض فريق مقابل باقى اللاعبين داخل اللعبة اللى طبعا كل 2 منهم فى فريق وهنا تقدر تدخل انت وصديق ليك اذا كنت عامل صداقة داخل اللعبة وممكن تدخل واللعبة تختار واحد عشوائيا يلعب معاك فى الفريق .
النوع الثالث : Squid
اما فى طريقة اللعب Squid هيكون فريقك مكون من 3 افراد وانت وهتدخلو مقابل باقى فرق المنافسين الاخرين .
شرح طريقة لعب فرى فاير
فى بداية كل معركة هتدخلها هيكون جميع اللاعبين وعددهم 50 فى الغالب داخل طائرة وهيتم فتح باب الطائرة الخلفى ويبدا اللاعبين بالخروج من الطائرة وكل لاعب هينزل يقدر يتوجة باللاعب بتاعة للمكان اللى يختارة وهو فى الهواء ولما يقرب اللاعب للارض بمسافة معينة هيفتح المظلة ويكمل عملية الهبوط .
حاول وانت بتنزل بالمظلة انك تكون قريب من بيوت او منشأت عشان لما تنزل تجرى تبحث عن اسلحة ودرع حماية وزخيرة وعلاج وشنطة عشان لو ملحقتش تمسك سلاح وقابلك لاعب اخر معاة اسلحة هيضرب عليك نار ويهجم عليك بالسلاح اللى معاة ويقتلك .
لو ضرب عليك ومؤشر الصحة بتاع الشخصية بتاعتك خلص هتموت وتبقى خسرت الا فى طرق اللعب فى فريق سواء كان Duo او Squid هتسقط فى الارض ويجي مؤشر صحة اضافى هيبدأ يقل تدريجيا لو حد من فريقك جالك قريب منك وقام بعلاجك هتصحى تانى وتكمل اللعب وتقدر تزود الصحة بتاعتك بشنط العلاج اللى انت بتلمها من ارض اللعبة .
لكن لازم تخلى بالك لان ارض اللعبة بتبدأ تتقلص وتقل مكان الحرب في الجزيرة تدريجيا وبيتحدد المكان الامان على شكل دائرة كبيرة فى الاول وبتضيق كل شوية و اى حد خارج الدائرة دى بيكون فى خطر ومعرض للموت اذا مدخلش جوه الدائرة البيضاء .
والفائز فى كل حرب هو اللى بيفضل عايش لحد اخر اللعب سواء هو لوحدة او هو وفريقة او احد لاعبين فريقة .
صورة لبعض اسلحة لعبة فرى فاير Free Fire Weapons
اهم ما يميز لعبة فرى فاير الجماعية
- بعض الالعاب الاون لاين والجماعية التى من نوع اكشن وقتال المسدسات يعيبها انك اذا دفعت مبالغ واشتريت مميزات ستكون الاقوى وتفوز وهذا يجعل اللاعبين العاديين ضعفاء اما فى لعبة فرى فاير الشراء يقتصر على شراء الجواهر التى يمكنك تبديلها بملابس او شخصيات تكون مميزات هذة الشخصيات محدوده لا تؤثر بشكل كبير مجريات المباريات والمواجهات فنجد ان المهارة فى اللعب هى الفيصل فى تحديد الفائز فى المباريات .
- الجزيرة التى تحدث فيها المعارك بين المحاربين هى ذات مساحة مناسبة ليست بالشاسعة ولا الضيقة .
- فى كل قتال يكون عدد اللاعبين المنافسين 50 لاعب وهذا عدد معقول حتى تكون مدة المعركة معقولة وليست بالوقت الكبير الذى يمكن ان يشعر اللاعبين بالملل .
- عدد كبير من الاسلحة المتنوعة منها اسلحة خفيفة مثل العصا والمقلاه واسلحة قصيرة المدى مثل المسدس وطبنجة الخرطوش وسلاح الشوت جن واسلحة متوسطة وطويلة المدى مثل الرشاشات والقناصات .
كل هذا يعد جزء بسيط من شرح طريقة اللعب التفصيلية وحيث ان كل جزء سيطول شرحة سأقوم بأضافة مواضيع مفصلة عن الاسلحة والمهمات وشرح لكل جزء مهم فى اللعبة ان وجدنا تفاعل من المتابعين واللاعبين .
رابط تحميل لعبة فرى فاير احدث اصدار كاملة
