طريقة تحويل الجيمات الروفيند الى Tortoise Gem بالصور

شرح عمل جيمات سوبر Tortoise Gem بالتفصيل  


اهلا بكم محبى لعبة كونكر اون لاين استكمالا لسلسلة شرح مهمات كونكر للمبتدئين واللاعبين الجدد هنقدم لكم طريقة تكوين جيماية سوبر تورتويس خطوة بخطوة بالتفصيل مدعومة بالصور .

خطوات تكوين جيمات الدمج Tortoise Gem بالترتيب

معروف عندنا جميعا ان لكل جيمات اللعبة 3 انواع وهما جيماية عادية نورمال وجيماية ريفيند واقوى جيمات هى الجيمات السوبر
وتقدر تجمع 15 جيماية من اى نوع وتحولها الى جيماية واحدة من النوع الاقوى منها يعنى لو معاك 15 جيماية دراجون نومال تقدر تحولهم الى جيماية دراجون ريفيند وهنشرح الطريقة بتاعتها بالصور فى موضوع مستقل .

لكن الجيماية التورتويس غالية بسبب انها مش متاحه بكثره دا غير السبب الرائيسى اللى هو انها بتزيد الدمج فى الاسلحة واللبس بتاع الشخصية .

الطريقة اللى هقولكم عليها دلوقتى هتوفر ليكم كتير جدا لان سعر الجيماية غالى لو هتشتريها جهزة اما بطريقتنا دى يدوب هتحتاج جيمات روفيند من 7 انواع الجيمات العادية اللى هما
  1. Dragon Gem
  2. Fury Gem
  3. Phoenix Gem
  4. Rainbow Gem
  5. Moon Gem
  6. Violet Gem
  7. Kylin Gem

شرح تبديل الجيمات الروفيند بجيمايات Tortoise

اجمع ال 7 جيمات الموجودين فى الصورة التالية




  1.  اضغط على خانه Forging (شكل المطرقة)
  2. ثم اضغط على قائمة ( Gems ) .
  3. اضغط كلمة ( Tortoise  ) .
  4. اضغط على اى جيماية من الموجودين فى القائمة الجانبية .
  5. اضغط كلمة ( Smelt ) . 
ملحوظة : بالاضافة الى الجيمات لازم يكون معاك 100 الف سيلفر بياخدهم السيستم عشان يكمل التحويل .
هينتج عن التحويل دا حاجه من التلات حاجات دول
  1. احتمال كبير ان تتحول لعدد 2 جيماية روفيند تورتويس Tortoise Gem .
  2. احتمال متوسط ان تتحول لعدد 3 جيمايات روفيند تورتويس Tortoise Gem .
  3. احتمال نادر حدوثة ان تتحول الجيمايات الى 1 سوبر تورتويس Tortoise Gem .

وبكده يكون انتهي شرح عمل جيمايات تورتويس فى كونكر conquer online وهنتكلم فى المواضيع اللى جايه ازاى نعمل جيمايات سوبر كافة الانواع بالصور بردو .

وفى النهاية اللى عايز اى استفسار فى كونكر او عايز شرح لمهمه معينه من مهمات كونكر يعلق ويقولى وان شاء الله اعملكم شرح كامل لكل اللى عايزينه .